Cyclone Biporjoy : गुजरातला जाणाऱ्या 67 रेल्वे रद्द; महाराष्ट्रातील ‘या’ भागात मुसळधार पावसाची शक्यता
विपरजॉय चक्रीवादळ गुरुवारी कच्छमध्ये धडकण्याची शक्यता आहे. या पार्श्वभूमीवर गुजरातकडे जाणाऱ्या 67 रेल्वे गाड्या रद्द करण्यात आल्या आहेत.
मुंबई, 13 जून : हवामान खात्याकडून विपरजॉय चक्रिवादळाबाबत महत्त्वाची अपडेट देण्यात आली आहे. अरबी समुद्रातील हे चक्रीवादळ गुरुवारी कच्छमध्ये धडकण्याची शक्यता आहे. बिपरजॉयच्या प्रभामुळे गुजरातच्या किनाऱ्यावर उंच लाटा उसळू लागल्या आहेत. विपरजॉय चक्रीवादळाच्या पार्श्वभूमीवर गुजरातमधील किनारी भागातून 7500 लोकाना सुरक्षीत स्थळी हलवण्यात आल आहे. त्याचबरोबर तीन्ही सैन्यदल अलर्ट मोडवर आहेत. तर पश्चिम रेल्वेकडून गुजरातच्या किनारपट्टी भागात जाणाऱ्या 67 गाड्या रद्द केल्या आहेत. दुसरीकडे मुंबईसह महाराष्ट्रातल्या समुद्र किनाऱ्यावरील गावांना देखील हवामान खात्याकडून सतर्कतेचा इशारा देण्यात देण्यात आला आहे.
राज्यातील या भागात पावसाची शक्यता
दरम्यान पुढील 2-3 दिवसामध्ये राज्यातील अनेक भागामध्ये पावसाची शक्यता वर्तवण्यात आली आहे. राज्यात पुढील 2 ते 3 दिवस मेघगर्जनासह पाऊस पडण्याचा अंदाज भारतीय हवामान विभागाकडून वर्तवण्यात आला आहे. हवामान खात्याने विदर्भात वादळी पावसाचा अंदाज वर्तविला आहे नाशिक, रत्नागिरी, रायगड, पालघर, छ. संभाजीनगर, सोलापूर, सांगलीसह राज्यातील इतर शहरांमध्ये पावसाची शक्यता आहे. तर 15 जून रोजी चंद्रपूर, नागपूर, गडचिरोली आणि गोंदिया या जिल्ह्यात मुसळधार पावसाची शक्यता आहे. राज्यातील इतर भागात देखील पावसाची शक्यता वर्तवण्यात आली आहे.